Oblivion..

quietly we drift away, quietly we fade to grey – suede

Month: December, 2012

dcd..

SANYO DIGITAL CAMERA

 

Part 1. 優點和缺點,角色與位置,左傾定右轉,一直在拖著尾巴,把點與點之間連線,最後是一幅怎樣的圖呢?

Part 2. 終於撐不下去,part2 要停下來了..

Part.3 快要2013,係時候忘記2012!

Advertisements

ccc..

8864

Part 1. “你咩野鈴鈴查查都拎晒出黎…” 已忘記點點點後的話.. 是喜是悲,我無厭虞,爾我虞無,爾虞我詐,誰知其心?

Part 2. 我在尋找鏡子中的自己,還是想在鏡中看看我身後的人是誰?

Part 3. 良久沒有新post,因為數天後的今天,都沒有比昨天有所不同..

Premium Rush..

唔計女士見到Joseph Lewitt尖叫,幾乎成套戲都係in motion,有感小時候睇既洛比桑Taxi,劇情節奏流暢利落,而且背景、故事、劇情都全程切合單車既主題,之前覺得拍單車戲鏡頭同故事會有太多限制,好睇極有個譜,宜家真係錯晒。

 

故事主線是老套的主角死命運送黑白兩道齊齊搶既無聊貨件,不過根本唔影響觀者,因為陪著支線一直衝既節奏令你唔需要理個主線。戲中都玩左少少時空交插,講真今時今日 well-trained 既觀眾唔會覺得新鮮(更何況Joseph粉絲一定睇過500 days of summer),好彩佢都係點到即止。

故事背景係講 NewYork Bike Messager。單車送信!? 我第一次知呢樣野時真係無諗過堂堂NY竟然有d 咁low tech 既野,當然你Youtube一下就知班友絕對唔少野(戲中都有提)。此作算得上係將地跖文化推上大銀幕,一D當地人集以為常甚至係嫌棄既事,換個角度睇其實好有意思,正如彭導的打邊爐故事。

戲中主角是 Fixed Gear / 梗牙 (大陸叫”死飛”),可以話係食正潮流。戲中出場車種算多,Fixie, Road Bike, Bike Trial, MTB,而且正確交待出車種既特性,簡單一句”Gravity, you is my friend again” 單車仔睇到呢幕一定會心微笑,可惜就無咩點講MTB囉。

 

The way you live, the way you ride. 真係窮撚浪漫~

Ruby Sparks..

Director: Jonathan Dayton & Valerie Faris

Writer: Zoe Kazan

本身故事concept好得意,感覺好會好好玩,可惜主線幾頭唔到岸,分散左好多時間去無連繫既方向,令我投入唔到落去個100分鐘度,有點亂加戲情去拉長時間既感覺。所以我花左比平時多既時間去講我望唔透既地方..

 

角色

欣賞故事對Ruby角色既設定係”幻想”出來的”真人”,之但係戲中對交代Ruby係由FF跑出黎既女神唔係好夠力,俾我既感覺係Calvin現實中遇到佢既dream girl,而斷左片唔記得帶左佢入屋而已。發現屋企多左女人野話FF又唔夠F,話現實又太虛無,發現既野已經毫無驚喜,重要分3parts去講。

戲初交代Langdon係playboy既鏡頭可以話係多餘,挑逗Ruby個場其實係佢分心昅Rudy已經足夠反映,我唔覺40分鐘前交待會特別有用。而且佢同Calvin既關係更加撲朔迷離,係Mentor?係朋友?係敵人?出場佔左咁多時間都都無交待得清楚,更甚根本同主線係毫無關係,反而你話佢係經理人重有點,但偏偏故事中又有Cyrus。

 

故事

Calvin係街證明左Ruby唔係真人後,用大頭鏡講佢俾Harry重新質疑係咪FF,當時會以為真係FF,點知2分鐘對鐘對話後返屋企見到真有其人。上一秒先proof完,下一秒又要再重複一樣問題同答案,好難唔俾人感覺拖時間。

刻意營做inspire Calvin 重新寫作既一句”I like him just the way he is”究竟點解會令佢寫出Ruby令我非常費解。

另一比較欣賞係反面個幕幾有充滿仇恨既恐怖氣氛,而且終於,發癲得夠徹底令我會以為Calvin會割左Ruby個頭落黎。之但係Ruby會conscious到被Calvin操控,係故事唔幻想唔真實下既一個大bug..

戲中有幾下搞gag得黎太內歛,例如阿婆Pink Headphone/Calvin問Bobby 係味唔止佢一個用個段,想順住笑但去到咽喉都出唔到聲,但偏偏係戲中播個幾十秒zombie戲係cult到仆街!

最後封打字機轉Macbook個真係屌左出黎,用打字機無得undo你無交待我當我明,打字機當Calvin character咪好囉,點解要話轉左部Macbook露個主bug出黎,當初用電腦打轉色bold大閃底星星邊咩都得啦!

 

正題

基本上Calvin同Lila既短短對話畫出腸咁解釋左個愛情觀主線: 自我感覺良好既毒撚不懂溝通只懂活在自己世界FF當談戀愛,而Lila個句”The only person that you wanted to be in a relationship with was you” 可以話係一枝竹錯打自戀狂同毒撚,不過要拆其實唔難,因為作為一個自戀撚,其實愛自己既同時已經包含了她,而這個”她”正是毒撚所缺的。

Royal Tenenbaums..

Wes Anderson 70年代淡淡色tone既怪雞世界比Tim Burton色彩斑斕既幻想世界多一份真實同沉重,故事角色怪咖得黎有血有肉。

 

Wes似乎對天才兒童特別有興趣,睇過Moonrise Kingdom講兩個早熟既小學雞覺得世不與佢而私奔,有點天才兒童既孤寂。今次Tenenbaums家族既故事本身係老套中既老套,不負責任老豆拋底屋企22年後走頭無路藉口搬返屋企重拾錯過的家庭樂(雖然真情都做左千幾集)。

故事係老套,但更見Wes係既功力,利用移動鏡頭,怪雞既角色設定去填滿故事既空洞。水平移動既視點可以話係佢既招牌,而且佢毎個定鏡都好有心思, 係螢幕中除主角外睇得到個背景都係有心思去安排的。當然佢既怪雞係我至愛既地方,無論角色設定,對白,表情,道具都絕對係估佢唔到。平淡既故事都俾佢拍到處處驚喜!

好鍾意佢介紹角色既intro,有旁白、靚Typo、角色化既動作,簡單幾秒用盡觀者既眼耳去認識角色。而且一d回憶位都係用左一樣既手法,除左可觀之外呢種都算係聰明既手法,用最短既時間交待最多既野,而唔會阻住故事進程。重有佢每個chapter轉場時會有幾秒影落本小說度,基本只夠你睇頭一句,而下一鏡,正正就係第一句形容既晝面,次次都有驚喜。

 

講真我俾呢套戲既鏡頭迷住左而忽略左個故事。個故事雖然老套,但其實劇中對幾位主角既感情有好深入既剖釋,somehow今次都係講天才唔識處理感情事,而且更係各自用左極端既方式去表達出黎。關於故事內容,網友Some kind of wonderful有好仔細既剖析,戲後值得一睇反思。

http://mypaper.pchome.com.tw/alyxandra/post/1603964

 

如果由佢拍The life of Pi,一定有另一番風味!

Iron Sky..

三個點令我即睇呢套戲!

1. 故事 – 二戰逃到dark side of the moon既納粹軍2018年逆襲地球。

2. 班底 – 由科幻迷 到 拍網上微電影 再到 拍電影 Star Wreck 以至今次睇既 Iron Sky 既 導演Timo Vuorensola 及其班底。

3. 製作 – 成本750萬歐元,資金有部份黎自粉絲既捐獻,Finland+German+Australia製作公司合作,用左7年時間去拍,我估超過一半時間係導演用左黎籌旗。

OK,我認只當佢一套Fans Cult片無抱大期望去睇以致好有驚喜,開場幾頭分鐘登陸月球畫面製作之大(件大空衣另計..)令人難以相信佢係B級 Cult片,但係戲中大量gag位gag位對白,怒寸美國大哥大主義,同女人唔理性一面,甚至連希特勒都cut唔到有線個part都玩埋,真係笑到拍枱!! 故事夠晒cult,somhow成個原因係因為美國總統無厘頭上月球掛競選banner而被月球納粹發現左smart phone 可以發動終極武器入侵地球,中間笑料連連冷嘲熱諷,但最後玩到第三次世界大戰又估佢唔到。

非鉅作黎講 道具、鏡頭、特效可以話無咩投訴,只係有點挑骨頭咁講,劇裡玩野玩得有點唔夠喉,本身故事背景好夠貨去發展,但玩停留係二戰生活模式既人同現代人既落差(人格同科技)反而比Captain America係Avengers玩的更少,而且角色間既互動,是笑是諷又唔係好夠,當然以我有限既國際視野去睇佢寸美國已經夠大快人心。

都係個句,以個3點,毫無準備去睇,好有驚喜,it made my holiday~

ps. 千其唔好俾佢其中1段trailer呃左,以為佢係月球納粹之逆襲既戰爭片!! 我推薦以下呢個:

http://www.youtube.com/watch?v=4lJAw_BtM2g

以下為那個無厘頭故事內容,應該唔影響閣下睇時既驚喜:

美國總統競選連任,為求創做能人所不能既miracle,係射核彈去澳洲挑起戰爭外擇左send個黑人模特James去月球為左食字 “Black(Back) to the moon”同掛競選Banner。可惜上到dark side of the moon之後意外發現左納粹基地,而納粹將軍Klaus發現係James身上既Smart Phone可以發動佢既終極武器,可惜部機唔夠電,所以就決定先去地球一轉,表面係帶多幾部Samrt Phone返月球,其實係想(鏈)死美國總統奪兵權。Meanwhile,為左多謝James更將佢漂白染金藍眼睛變做自己人帶係身邊。

去到地球綁架正為煩惱champaign競選經理女強人Vivian希望藉此接近總統,而過程中Vivian睇中Klaus同Richter做競選代言人,更愛上左Klaus。納粹元首Wolfgang發現左Klaus既野心并帶左艦艇提早入侵地球,可惜最後被Klaus殺死,而Klaus最後決定拋棄Vivian同帶走部 tablet 返月球發動佢既終極武器 – Götterdämmerung。

呢個戰爭機會正正係美國總統想要,所以係聯合國會議中派出祕密宇宙戰機 George W. Bush 號反攻~ 因愛成恨既Vivian更自告奮勇做指揮官,誓要折磨Klaus,可惜寡不敵眾,最終聯合國會中聲稱沒有太空武器既各國太空戰機加入戰團,引發星球大戰,打到去月球,更發現大量helium-3資源,各國為求搶奪,互相攻擊,最後由美國總統被擲鞋抗議而引發地球第三次世界大戰,結局過埋creditor後,原來有架太空船已經靜靜雞咁到左 dark side of the Mars…